Kompaniyalar smartfon bilan to‘g‘ridan to‘g‘ri aloqa qiladigan magnit g‘altaklarga tegib turgan qurilmani simsiz quvvatlantirgich deb atashga o‘rgangan — uni maxsus maydonchaga joylashtirish kerak. Xiaomi kompaniyasi esa uzoq masofadan turib ishlay oladigan haqiqiy simsiz quvvatlantirgichni taqdim etdi, deb xabar beradi Hi-Tech.Mail.ru.
Kompaniya hozircha Mi Air Charge nomini olgan texnologiyaga oid batafsil ma’lumotlar bilan bo‘lishmagan, biroq uning ishlash prinsipi haqida tushuntirish bergan. Buning uchun xonaga yaqin atrofdagi qurilmaga havo orqali zaryadlarni uzatishga qodir kichik quvvatlantirish stansiyasini o‘rnatish kerak bo‘ladi. Bu orqali smartfonni quvvatlantirish va bir vaqtda uni ishlatish ham mumkin.
Texnologiyaning ishlash sxemasi quyidagicha: stansiyada xonadagi qurilma joyini aniqlaydigan antennalar jamlanmasi mavjud, boshqa bir antennalar jamlanmasi esa signalni millimetrli diapazonda uzatadi va smartfon batareyasidagi to‘g‘rilagich uni elektr energiyasiga aylantiradi.
We're excited to bring you the remote charging technology - Mi Air Charge Technology! Charge multiple devices simultaneously while you're gaming, walking around or even when something's in the way, no strings attached. Another giant leap forward in wireless charging technology! pic.twitter.com/wEoB10wOQ2
— Xiaomi (@Xiaomi) January 29, 2021
Stansiya 5 vattli quvvat orqali bir vaqtning o‘zida bir nechta qurilmani quvvatlantira oladi. Biroq u barcha smartfonlarda ishlamaydi — kompaniya hozircha bu turdagi quvvatlantirish usuli faqat Xiaomi Mi 11 da ishlashini va’da qilmoqda. Kelajakda texnologiya kompaniyaning boshqa qurilmalari bilan ham ishlashi kerak: smartfonlar, soatlar, kolonkalar, lampalar va boshqa texnikalar.
Xiaomi hozircha quvvatlantirish stansiyasi qancha turishi va savdolarga qachon chiqishiga aniqlik kiritmagan.
Avvalroq Janubiy Koreyaning Sejon universiteti tadqiqot guruhi yangi turdagi quvvatlantirgich ustida ish olib borayotgani, u ham smartfonlarni havo orqali quvvatlantira olishi haqida xabar berilgandi.
Izoh (0)