AQShning Aydaho shahrida UH-60 Black Hawk vertolyotining qulashi oqibatida uch harbiy uchuvchi halok bo‘ldi. Bu haqda shtat Milliy gvardiyasiga tayanib, “Korrespondent.net” xabar qildi.
“Aydaho Milliy gvardiyasining uch a’zosi 2-fevral kuni UH-60 Black Hawk vertolyoti janubiy Laki-Pikda qulab tushganidan so‘ng vafot etdi. Bortdagi bu uch zobit odatiy o‘quv parvozining uchuvchilari edi”, – deyiladi xabarda.
Shtat Milliy gvardiyasi podpolkovnigi Kristofer Bordersning ta’kidlashicha, halokat yuz bergan joyda qor yog‘gan.
“Bu bizga vertolyotni izlashga xalaqit berdi”, – dedi Borders ABC telekanaliga.
Halokatga uchragan Black Hawk va ekipaj jasadlari yarim tundan ko‘p o‘tmay topilgan. Aviahalokat haqidagi boshqa tafsilotlar hali oshkor etilmagan.
Avvalroq Turkmaniston prezidenti Gurbanguli Berdimuhamedov vertolyot qulashi sabab chegara xizmati boshlig‘ini ishdan bo‘shatgani, Fransiyada bortida olti kishi bo‘lgan vertolyot halokatga uchragani hamda Afg‘onistonda ikkita harbiy vertolyot to‘qnashuvi oqibatida 15 kishi halok bo‘lgani haqida xabar berilgandi.
Izoh (0)