Meksika Sog‘liqni saqlash vazirligi rahbari Xorxe Alkoser Rossiyaning Gamaleya instituti tomonidan ishlab chiqilgan COVID-19’ga qarshi vaksinani Meksikaga yetkazib berish bo‘yicha shartnomani imzoladi. Bu haqda “RIA Novosti” xabar qildi.
“Kecha sog‘liqni saqlash vaziri Xorxe Alkoser ‘Sputnik V’ vaksinasi (yetkazib berish) uchun shartnoma imzoladi” – dedi sog‘liqni saqlash vazirining o‘rinbosari Ugo Lopes-Gatel matbuot anjumanida.
Ta’kidlanishicha, 25-yanvar kuni Rossiya prezidenti Vladimir Putin bilan telefon orqali suhbatlashgandan so‘ng, Meksika rahbari unga vaksina partiyasini yuborish qarori uchun minnatdorlik bildirdi va uni ishlab chiqishni Rossiya ilm-fani sohasidagi yutuq deb atadi.
“Sputnik V” vaksinasi odamning adenovirus vektorli platformasi asosida ishlab chiqilgan va Rossiya, Belarus, Argentina, BAA, Vengriya, Serbiya, Boliviya, Jazoir, Falastin, Venesuela, Paragvay, Tunis va Turkmanistonda ro‘yxatga olingan. Yevropa Ittifoqi va JSSTda vaksinalarni ro‘yxatdan o‘tkazish jarayoni boshlandi.
Izoh (0)