Futbol bo‘yicha Ispaniya La Ligasining 22-turida “Barselona” 31-yanvar, yakshanba kuni “Atletik B”ni qabul qildi.
Uchrashuvning 20-daqiqasida Lionel Messi jarima zarbasini qoyilmaqom ijro etib, katalonlarni oldinga olib chiqdi. Ikkinchi bo‘lim debyutida mehmonlarning tezkor hujumi Xordi Albaning avtogoli bilan yakunlandi.
74-daqiqada Antuan Grizmann “Barselona”ning kombinatsiyasini muvaffaqiyatli yakunladi.
Ushbu g‘alabadan keyin “Barselona” ochkolarini 40 taga yetkazib oldi va musobaqa jadvalida 2-o‘ringa ko‘tarildi. Keyingi o‘rindagi “Real” ham 40 ochko to‘plagan.
La Liga
22-tur bahsi
31-yanvar, yakshanba
“Barselona” — “Atletik B” 2:1
Gollar: 1:0 – 20 Messi, 1:1 – 49, avtogol Alba, 2:1 – 74 Grizmann.“Barselona”: ter Shtegen, Alba, Umtiti, Mingesa, Arauxo, Pyanich (Serxi Roberto, 67), de Yong, Pedri, Dembele (Breytueyt, 87), Grizmann (Langle, 84), Messi.
“Atletik B”: Unai Simon, Berchiche, Kapa (Lekue, 84), Martines, De Markos (Berenger, 67), Raul Garsiya, Dani Garsiya, Muniain, Vensedor (Vesga, 66), Yeray Alvares, Uilyams (Vilyalibre, 84).
Ogohlantirishlar: Raul Garsiya (32), Yeray Alvares (39), de Yong (47), Alba (50), Kapa (77).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)