Фарғона ва Урганч шаҳарлари ўртасида мунтазам авиақатнов йўлга қўйилади. Бу ҳақда Uzbekistan Airways матбуот хизмати хабар берди.
Дастлабки рейслар 3 ва 6 февраль кунлари амалга оширилади, 11-февралдан бошлаб эса парвозлар мунтазам равишда пайшанба ва шанба кунлари амалга оширилади.
«Gazeta.uz»нинг маълум қилишича, парвозлар А320 самолётларида амалга оширилади.
Туризмни ривожлантириш мақсадида Фарғона водийси шаҳарлари ва Ўзбекистоннинг тарихий шаҳарлари ўртасида авиақатновларни йўлга қўйиш режалари 2020 йил баҳорида, коронавирус пандемияси сабабли мамлакатда оммавий чекловлар жорий этилишидан аввал маълум қилинганди.
Айни пайтда барча ишки рейслар Тошкентдан амалга оширилади. Илгари Ўзбекистоннинг кўплаб шаҳарлари мунтазам авиақатновлар билан боғланган бўлган.
2020 йилнинг бошларида арзон тарифларда мамлакат ички парвозларини йўлга қўйиши лозим бўлган Humo Air давлат авиакомпанияси ташкил этилган эди. Ушбу авиакомпанияга «Ан-2» русумли 43 та самолёт ўтказиб берилган.
Мавзуга доир: Фарғона водийсидан Хоразмга авиақатнов йўлга қўйилади
Изоҳ (0)