Moskvadagi Nikulin sudi 90 yoshli ayolga qaragan o‘zbekistonlik hamshira ayolning jinoiy harakatlari yuzasidan sud majlisi o‘tkazadi. Bu haqda Moskva shahar prokuraturasiga tayanib “Interfaks” xabar qilgan.
Nikulin tumanlararo prokuraturasi 42 yoshli o‘zbekistonlik ayolga nisbatan jinoyat ishi bo‘yicha ayblovni tasdiqlagan. Idora bayonotiga ko‘ra, jinoyat ishiga oid ma’lumotlar Nikulin sudiga yuborilgan.
Tergov bergan axborotlar bo‘yicha hamshira 90 yoshli ayolga 2020-yilning sentabr oyida Michurin shohko‘chasida joylashgan xonadonda enagalik qilgan. U shaxsiy sabablarga ko‘ra nafaqaxo‘r ayolni kaltaklagan, uning yuzi, badaniga zarbalar bergan va haqoratlagan.
Avvalroq “Rossiya-24” telekanali Moskvada o‘zbekistonlik Gulchehra ismli hamshira qizning 82 yoshli ayolni kaltaklab o‘ldirib qo‘ygani haqida xabar bergandi.
2018-yil aprelda Qozog‘istonning Olmaota viloyatida sud yosh bolaga azob bergan o‘zbekistonlik enagani uch yilga ozodlikdan mahrum qilgan.
2019-yil noyabrda Rossiyaning Chelyabinsk viloyati Ust-Katav shahrida o‘zbekistonlik ayol uch farzandini 10 yil tutqunlikda saqlagani, bolalar qochib ketgach, ayol o‘zini o‘ldirgani xabar qilingan.
Izoh (0)