BMT bosh kotibi Antoniu Guterrish koronavirus infeksiyasiga qarshi emlanganini ma’lum qildi, deb xabar beradi “RBK”. Bu haqda u o‘z Twitter’ida yozdi.
I was fortunate and grateful to get the first dose of my #COVID19 vaccine today.
— António Guterres (@antonioguterres) January 28, 2021
We must get to work to make sure the vaccine is available to everyone, everywhere.
With this pandemic, none of us are safe until all of us are safe.
✌ for #Vaccinated pic.twitter.com/OpCVJloY7W
“Bugun men COVID-19’ga qarshi vaksinaning birinchi dozasini oldim. Biz butun dunyoda odamlarning vaksina olish imkoniyatini ta’minlash ustida ishlashimiz kerak”, — deya qayd etdi u. Ammo aynan qaysi kompaniya vaksinasini olganiga aniqlik kiritmadi.
2020-yil sentabrida Rossiya prezidenti Vladimir Putin BMT xodimlariga Rossiyaning “Sputnik V” vaksinasi bilan emlanishni taklif qilgan, dori bepul yetkazilishiga va’da bergan edi. BMT Putinga “saxiy taklifi” uchun minnatdorlik bildirib, uni o‘rganib ko‘rishlarini aytgan edi.
Yevroittifoqda koronavirusga qarshi emlash dekabr oxirida boshlandi. Ayni paytda u yerda regulyator tomonidan ma’qullangan ikkita vaksina qo‘llanilmoqda. Bular Pfizer/BioNTech va Moderna kompaniyalari tomonidan ishlab chiqilgan vaksinalardir.
Yanvar o‘rtalarida oltita Yevropa mamlakati Pfizer vaksinasini yetkazib berish bilan bog‘liq muammolardan shikoyat qildi. Kompaniyada yetkazib berish hajmlarining pasayishini ishlab chiqarishning qayta tashkil qilinishi bilan izohlashdi. Yevrokomissiya rahbari Ursula fon der Lyayyen Yevroittifoq Pfizer bilan kelishilgan vaksina partiyalarining barchasini mart oxirigacha qabul qilib olishini aytdi.
Izoh (0)