Hindistonda koronavirus tarqalish sur’atlari kamaydi va o‘tgan bir hafta davomida 146 ta okrugda birorta ham holat aniqlanmadi. Bu haqda mamlakat sog‘liqni saqlash vaziri Xarsha Vardxanaga tayanib, The Hindu xabar bergan.
Vazirning qayd etishicha, mamlakatda o‘tgan 24 soat ichida (2021-yil 28-yanvar holatiga ko‘ra) 12 mingdan kamroq COVID-19 infeksiyasini yuqtirib olish holatlari aniqlanib, shundan 165 kishi virusning Britaniya shtammi ekani tasdiqlangan.
Davolanayotganlar 173 ming nafarni tashkil etadi, ularning 0,46 foizi sun’iy nafas berish apparatlarida, 2,2 foizi jonlantirish bo‘limida kasallik bilan kurashmoqda.
Hindiston hukumat tomonidan koronavirus infeksiyasiga qarshi kurashish uchun jami 11 million 240 ming doza vaksina provinsiya va shtatlarga tarqatilgan.
Hindiston butun dunyoda koronavirus bilan kasallanganlar soni bo‘yicha AQShdan keyin ikkinchi o‘rinda bormoqda. Pandemiya boshidan buyon mamlakatda 10,7 million nafardan ortiq aholi virusga chalingan. 153,8 ming nafar bemor COVID-19 asoratlari oqibatida hayotdan ko‘z yumgan.
Mavzuga doir:
Izoh (0)