“Barselona” jamoasi Ispaniya Kubogi 1/8 finali doirasida 27-yanvar, shanba kuni “Rayo Valyekano”ga qarshi bahs olib boradi. O‘yin Toshkent vaqti bilan 28-yanvarga o‘tar kechasi soat 01:00 da boshlanadi.
Katalonlar ustozi Ronald Kuman uchrashuvga jalb etilgan futbolchilar kengaytirilgan tarkibini e’lon qildi. Undan 20 nafar futbolchi o‘rin olgan.
Uchrashuvni jarohat sabab Xerard Pike, Serxi Roberto, Ansu Fati va Filippe Koutinyo kabi futbolchilar o‘tkazib yuboradi. Shuningdek, himoyachi Serjinyo Dest mushaklarida og‘riq sezgani bois ushbu bahsda ishtirok eta olmaydi.
Ikki o‘yindan iborat diskvalifikatsiyani o‘tagan Lionel Messi esa safga qaytgan.
Qaydnomadan joy olgan futbolchilar bilan tanishing:
Darvozabonlar: Mark-Andre ter Shtegen, Neto, Arnau Tenas.
Himoyachilar: Xordi Alba, Ronald Arauxo, Kleman Langle, Samyuel Umtiti, Xunior Firpo, Oskar Mingesa.
Yarim himoyachilar: Serxio Buskets, Miralem Pyanich, Frenki de Yong, Riki Puch, Pedri Rodriges, Moriba Kuruma.
Hujumchilar: Lionel Messi, Antuan Grizmann, Martin Breytueyt, Usmon Dembele, Fransishku Trinkau.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)