Har bir inson hayotida nimadandir qo‘rqib yashaydi, bu esa normal holat sanaladi. Kimdir ilon yoki o‘rgimchakdan cho‘chisa, yana kimdir o‘zining oyoqlaridan qo‘rqib ketadi. Quyida jahon yulduzlarining antiqa fobiyalari haqida so‘z yuritiladi.
Nikol Kidman
Ushbu Gollivud aktrisasining qo‘rquv vahimasi beozor kapalaklar bilan bog‘liq! Nikol kapalaklar to‘la bo‘lgan mamlakat – Avstraliyada o‘sgan bo‘lsa ham, bolaligidan beri ushbu hasharotlardan uzoqroq yurishga harakat qiladi. Aktrisa voyaga yetganidan so‘ng o‘zining qo‘rquvini yengish uchun psixiatrga murojaat qilgan, ammo bu ish hech qanday natija bermagan.
Natali Portman
Aktrisa multfilm karikaturalaridan qo‘rqadi. Ayniqsa, ko‘k Smurflar uning vahimasiga sabab bo‘ladi. Shunga qaramay, u bir safar “Simpsonlar” multfilmidan bir personajga ovoz bergan, ammo keyinchalik bunday ishga qayta qo‘l urmagan.
Devid Bekhem
Ushbu sportchi ataksiyafobiyadan, ya’ni tartibsizlikdan qo‘rqib yashaydi. Aslida esa bu tartibli hayot tarzi uchun juda muhim. Lekin o‘ta tartiblilik ham ba’zan ortiqcha. Devidning uyida uchta xolodilnik bor: mahsulotlar, mevalar va sabzavotlar hamda ichimliklar uchun alohida. Shu bilan birga, barcha mahsulotlar paketining hajmi va rangi bo‘yicha tartiblanishi va ichimliklar doim bo‘lishi kerak.
Jonni Depp
Jonni Depp ko‘pincha rollarida ushbu ko‘rinishda paydo bo‘lishiga qaramay, masxarabozlardan juda qo‘rqadi. Jonnining so‘zlariga ko‘ra, uning ushbu qo‘rquvi bolaligida, sirkka tushgan paytida paydo bo‘lgan edi. O‘shanda yosh Jonni masxarabozdan qo‘rqib ketgan va bu hozirgacha saqlanib keladi.
Bred Pitt
Mashhurlar orasida o‘zidan qo‘rqadiganlari ham uchraydi. Masalan, Gollivudning kelishgan aktyori Bred Pitt “Troya” filmini suratga olish jarayonida kutilmagan qo‘rquvga duch kelgan edi. U o‘z oyoqlaridan qo‘rqib ketadi va dizaynerlardan qahramonning qo‘rqinchli oyoqlarini charm etikka almashtirishlarini so‘raydi.
Izoh (0)