“Elchining qizi” serialining barcha aktyorlari haqida: shaxsiy hayot, karyera va qiziqarli ma’lumotlar (foto)

“Elchining qizi” nafaqat Turkiyada, balki butun dunyo bo‘ylab tomoshabinlarning sevimli serialiga aylandi. Serial yulduzlarining yoshligi, qanday hayot kechirishi, oilaviy munosabatlari haqidagi qiziqarli ma’lumotlarni e’tiboringizga havola etamiz.

Engin Akyurek – Sanjar

Serialning bosh qahramoni Sanjar –Engin Akyurek 1981-yilda tug‘ilgan. Uning bolaligi Anqarada o‘tgan. Maktabdan keyin Engin Anqara davlat universitetining ikki – tarix va tilshunoslik fakultetiga o‘qishga kirgan. U yerda aktyorlikka qiziqish paydo bo‘lgan. Shundan so‘ng drama studiyasida o‘qishni boshlab, havaskorlar teatrida rollar ijro etgan. Universitetni tamomlagach, “Turkiya yulduzlari” teleshousida ishtirok etishga qaror qilgan. Aktyorning debyut filmi “Chet ellik kuyov” filmi bo‘ldi.

U keyinchalik “Aybsiz aybdor”, “Eylulning kichik muammosi”, “Nopok pul, yolg‘on sevgi” filmlarida rol ijro etgan. 2015-yilda “Emmi” mukofotiga nomzod bo‘lgan, shundan so‘ng aktyor ikki yil davomida ekranlarda ko‘rinmay qolgan. Oradan vaqt o‘tib, u yana faoliyatini davom ettirdi.

“Elchining qizi” serialida Engin Sanjar ismli qahramon obrazida namoyon bo‘lgan. Shaxsiy hayotida bir necha ishqiy munosabatlar haqida mish-mishlar quloqqa chalingan bo‘lsa-da, ularning hech biri tasdiqlanmagan.

Engin Istanbulning eng sokin maskanida yashaydi. U film va seriallarda rol ijro etish bilan band. Ammo boshqalar kabi ijtimoiy tarmoqlarda faol emas, shuningdek, kamdan kam hollarda ijtimoiy tadbirlarda paydo bo‘ladi.

Neslihan Atagul – Nare

Aktrisa Istanbulda tug‘ilib o‘sgan. Uning otasi haydovchi, onasi esa butun hayoti davomida uy bekasi bo‘lgan. Neslihan yoshligidanoq tashqi qiyofasi haqida maqtovlar eshitib kelgan, shuning uchun ham uning onasi Neslihanni modellik karyerasini qurishda yordam berishga qaror qilgan. 8 yoshida Neslihan o‘zining birinchi reklama roligida, 14 yoshida esa filmda rol ijro etgan. Uning ilk filmi “Birinchi muhabbat” romantik komediyasi bo‘lib, kinofestivalda g‘olib bo‘lgan. Maktabni tugatganidan so‘ng Neslihan teatr institutiga o‘qishga kirgan. Bugungi kunda u ishtirok etgan 10 dan ortiq reytingi yuqori loyihalari mavjud.

“Elchining qizi” serialida Nare roli uchun butun dunyo tomoshabinlari aktrisaning tom ma’noda muxlisiga aylandi. Neslihan hamkasbi Kadir Dogulu bilan 2016-yilda turmush qurgan.

Uraz Kaygilarog‘lu – Gediz

Aktyorning yoshligi Istanbulda o‘tgan. Uraz 4 yoshligida otasidan ayrilgan. Shuning uchun u yolg‘iz onasi bilan yashagan. Uraz o‘z debyutini 2008-yilda o‘tkazgan. O‘sha yildan boshlab u aktyorlik faoliyatini boshlangan. U 15 dan ortiq filmlarda, shuningdek, o‘zini teleboshlovchi va model sifatida ham sinab ko‘rgan.

Uraz “Egey dengizining baliqlari” serialidagi ishtirokidan so‘ng mashhurlikka erishdi. 2019-yilda u “Elchining qizi” serialida aktyorlar tarkibiga qo‘shildi va kartinada Gediz rolini mahorat bilan ijro etdi. Uraz ham asosiy rollarni ijro etmasada, muxlislari yetarlicha. Urazning shaxsiy hayoti haqida qiziquvchilar ko‘p. Aktyor Melis Ishiten bilan turmush qurib, Ada ismli qiz farzand ko‘rgan. Lekin 2019-yil oilasi bilan ajrashgan. Hozirda ular ajrashib ketganiga qaramay, do‘stona munosabatni saqlab qolgan.

Gonja Jilasun – Xalisefe

Aktrisa 1966-yilda Istanbulda tug‘ilgan. Maktabni tugatgach, tarix fakultetiga o‘qishga kirgan, shu bilan birga, geografiyani o‘qigan. Shundan so‘ng Gonja Til kafedrasida oliy bakalavrni davom ettirgan va u yerda sahna nutqi bo‘yicha bilimlarni o‘zlashtirgan. U o‘zining professional aktyorlik faoliyatini 40 yoshdan keyin boshlagan.

Garchi u filmlarda ikkinchi darajali rollarni ijro etsada, talaygina muxlislar orttirgan. Aktrisa uzoq vaqtdan buyon Engin Xizarji bilan bir oila bo‘lib yashab kelmoqda. Ayol karyerasining eng yuqori cho‘qqisida va hozircha nafaqaga chiqmoqchi emas.

Erxan Alpay – Akin

Aktyor 1985-yilda Istanbulda dunyoga kelgan. Maktabni tugatgach, Istanbul universiteti davlat konservatoriyasining pantomima fakultetiga o‘qishga kirgan. Erxan birinchi marta ekranga 2011-yilda chiqqan. Aktyor “Muhabbat iztirobi” filmida Xakan roli bilan mashhur bo‘lgan. Ushbu kartina bilan u seriallardagi karyerasini boshlagan. Hozirda esa eng yuqori reytingga ega bo‘lib turgan “Elchinig qizi” serialida rol ijro etmoqda.

Shuningdek, aktyor ijtimoiy tarmoqlarda ham ancha faol. U shaxsiy hayotini omma bilan baham ko‘rishni va obunachilari bilan suhbat qurishni yaxshi ko‘radi. Aktyor Arzu Yaman ismli qizga ko‘ngil qo‘ygani ham ma’lum.

Tulin Yazkan – Menekshe

Istanbulda tug‘ilib o‘sgan Tulin yoshligidanoq san’atga qiziqqan. U maktab teatrining spektakllarida qatnashgan, mustaqil ravishda ssenariylar yozgan. Maktabni tugatganidan so‘ng Tulin Beykent universitetining haykaltaroshlik fakultetiga o‘qishga kirgan. Shu bilan birga jurnalistika va nemis tillarida tahsil olgan. Aktrisaga 2016-yilda namoyish etilgan “Bodrum ertagi” teleseriali mashhurlik keltirgan. Shundan buyon aktrisa birin-ketin bir necha kartinalarda suratga tushib kelmoda.

Aktrisa “Elchining qizi” serialida Sanjarga oshiq bo‘lgan Menekshe ismli qiz rolini ijro etadi. Uning shaxsiy hayoti haqida deyarli hech narsa ma’lum emas. Ba’zi manbalarga ko‘ra, Engin va Tulin orasida ishqiy munosabat bo‘lgan, ammo yoshlarning o‘zi ushbu ma’lumotga hech qanday izoh bermagan.

Dogukan Polat – Yaxyo

Aktyor Istanbulda oddiy oilada tug‘ilgan. O‘rta maktabni tugatgach, Anadolu universitetining sotsiologiya fakultetiga o‘qishga kirgan. O‘qish paytida Dogukan bu samarasiz kasb ekanini tushundi va aktyorlik haqida qo‘shimcha ma’lumot olishga qaror qilgan. U 2009-yildan aktyorlik faoliyatini boshlagan. Aktyor shaxsiy hayoti tafsilotlari bilan bo‘lishishni yoqtirmaydi. Faqatgina uning oila qurmagani ma’lum, xolos.