Ҳар бир инсон ҳаётида нимадандир қўрқиб яшайди, бу эса нормал ҳолат саналади. Кимдир илон ёки ўргимчакдан чўчиса, яна кимдир ўзининг оёқларидан қўрқиб кетади. Қуйида жаҳон юлдузларининг антиқа фобиялари ҳақида сўз юритилади.
Николь Кидман
Ушбу Голливуд актрисасининг қўрқув ваҳимаси беозор капалаклар билан боғлиқ! Николь капалаклар тўла бўлган мамлакат – Австралияда ўсган бўлса ҳам, болалигидан бери ушбу ҳашаротлардан узоқроқ юришга ҳаракат қилади. Актриса вояга етганидан сўнг ўзининг қўрқувини енгиш учун психиатрга мурожаат қилган, аммо бу иш ҳеч қандай натижа бермаган.
Натали Портман
Актриса мультфильм карикатураларидан қўрқади. Айниқса, кўк Смурфлар унинг ваҳимасига сабаб бўлади. Шунга қарамай, у бир сафар «Симпсонлар» мультфильмидан бир персонажга овоз берган, аммо кейинчалик бундай ишга қайта қўл урмаган.
Дэвид Бекҳэм
Ушбу спортчи атакцияфобиядан, яъни тартибсизликдан қўрқиб яшайди. Аслида эса бу тартибли ҳаёт тарзи учун жуда муҳим. Лекин ўта тартиблилик ҳам баъзан ортиқча. Дэвиднинг уйида учта холодилник бор: маҳсулотлар, мевалар ва сабзавотлар ҳамда ичимликлар учун алоҳида. Шу билан бирга, барча маҳсулотлар пакетининг ҳажми ва ранги бўйича тартибланиши ва ичимликлар доим бўлиши керак.
Жонни Депп
Жонни Депп кўпинча ролларида ушбу кўринишда пайдо бўлишига қарамай, масхарабозлардан жуда қўрқади. Жоннининг сўзларига кўра, унинг ушбу қўрқуви болалигида, циркка тушган пайтида пайдо бўлган эди. Ўшанда ёш Жонни масхарабоздан қўрқиб кетган ва бу ҳозиргача сақланиб келади.
Бред Питт
Машҳурлар орасида ўзидан қўрқадиганлари ҳам учрайди. Масалан, Голливуднинг келишган актёри Бред Питт «Троя» фильмини суратга олиш жараёнида кутилмаган қўрқувга дуч келган эди. У ўз оёқларидан қўрқиб кетади ва дизайнерлардан қаҳрамоннинг қўрқинчли оёқларини чарм этикка алмаштиришларини сўрайди.
Изоҳ (0)