AQSh Kasalliklarni nazorat qilish va profilaktikasi markazi (CDC) O‘zbekiston Sanitariya-epidemiologik osoyishtalik va jamoat salomatligi xizmatining 20 nafar epidemiologi hamda Toshkent tibbiyot akademiyasining 10 nafar murabbiyi uchun besh kunlik dala epidemiologiya o‘quv dasturini (FETP) boshladi. Bu haqda AQShning O‘zbekistondagi elchixonasiga tayanib “Gazeta.uz” xabar berdi.
Elchixonaning aniqlik kiritishicha, FETP — bu sog‘liqni saqlash xodimlari uchun tizimning barcha darajalarida epidemiologik tadqiqotlar o‘tkazish va kasalliklarning kelib chiqishiga chora ko‘rish qobiliyatini yaxshilashga qaratilgan o‘quv dasturi hisoblanadi.
Rejalashtirilgan trening uch oylik o‘qitish modulidan iborat bo‘lib, u ishlab chiqarishdan uzilmagan holda amalga oshiriladi. CDC ushbu dasturning Toshkent tibbiyot akademiyasi tuzilmasining integratsiyalashuviga yordam beradi va keyinchalik u O‘zbekiston Sog‘liqni saqlash vazirligi tomonidan qo‘llab-quvvatlanadi.
“Dasturning O‘zbekistondagi bitiruvchilari mamlakatning COVID-19 tarqalishini o‘z vaqtida aniqlash va unga chora ko‘rish borasidagi potensialini mustahkamlaydi, kasalliklarni kuzatish tizimlarini yaratish va mahalliy hamjamiyatlarning kasallikka oid tajribalarini tushunishiga o‘z hissalarini qo‘shadi”, — deyiladi elchixona xabarida.
Mavzuga doir: O‘zbekistonda hamshira, shifokor va o‘qituvchilarning maoshlari 2021-yilda bir necha baravar oshiriladi
Izoh (0)