Odamlar prokurorlarga yorug‘ yuz bilan qarashi kerak, dedi prezident Shavkat Mirziyoyev 22-yanvar kuni Buxoro viloyatining Olot tumanida bo‘lib o‘tgan uchrashuvda. Tegishli lavha davlat rahbarining matbuot xizmati tomonidan tayyorlangan va 24-yanvar kuni e’lon qilingan reportajda namoyish etildi.
Olotda to‘rtta tuman faollari bilan bo‘lib o‘tgan uchrashuv vaqtida prezident korrupsiya masalasiga alohida to‘xtalib o‘tgan va tashrif arafasida Buxoro viloyati prokurori etib tayinlangan Mahmud Istamovga alohida topshiriq bergan.
“Qanday qo‘pol bo‘lmasin, bu jamiyatimizdagi haqiqat: O‘zbekistonda korrupsiyani yo‘q qila olmayapmiz. Prokuror degan nomga munosib bo‘lish kerak, qonun ustuvorligini ta’minlashi kerak. Prokurorga odamlar, bilasanmi, yorug‘ yuz bilan qarashi kerak, o‘g‘riga qaragandek emas”, — dedi Shavkat Mirziyoyev.
Izoh (0)