UFC’ning ikki vazn toifasidagi sobiq chempioni Konor Makgregor boks qoidalari bo‘yicha Menni Pakyao bilan ehtimoliy jangi haqida gapirdi.
“Hech bo‘lmaganda boksda oyoqqa tepishmaydi. Albatta, birinchi o‘rinda bor e’tiborimni MMA’ga qaratishni xohlagan bo‘lardim. Boks bo‘yicha jang o‘tkazish borasida kelishuv bor edi. Ammo avval tiklanib olish kerak. Shuningdek, bu oyoq zarbalariga qarshi nimadir o‘ylab topish lozim. Juda og‘riqli, juda og‘riqli”, — deydi Makgregor UFC 257 musobaqasidan so‘ng tashkil etilgan matbuot anjumanida.
Avvalroq Menni Pakyao 2021-yilda 2 ta jang o‘tkazishini e’lon qilgandi. Konor Makgregor esa 2021-yilda filippinlik bokschi bilan jang qilishini va boks bo‘yicha chempionga aylanishini aytgandi.
Eslatib o‘tamiz, Konor Makgregor Toshkent vaqti bilan 24-yanvar tongida UFC 257 musobaqasi doirasida Dastin Poryega 2-raundda nokaut evaziga taslim bo‘ldi.
Mavzuga doir:
- Habib Nurmagomedov Konorning mag‘lubiyati haqida: “O‘z jamoangni tashlab, yosh bolalar bilan sparring tushishning oqibati shunday bo‘ldi”
- Dastin Porye: “Habib qaytmaydigan bo‘lsa, u holda men chempionman”
- Konor Makgregor: “Tez orada qaytaman, 2021-yilda meni yana ko‘rasiz”
- UFC prezidenti Habib Nurmagomedov qaytmaydigan bo‘lsa, yengil vazn chempionligi uchun kimlar jang qilishini aytdi
- Konor Makgregorga qarshi 3-jang bo‘ladimi? Dastin Porye javob berdi
- Konor Makgregor: “Bunday kuchli oyoq zarbalariga duch kelmagandim”
Izoh (0)