Futbol bo‘yicha Italiya A Seriyasining 19-turidan o‘rin olgan bir qator uchrashuvlar 24-yanvar, yakshanba kuni bo‘lib o‘tdi.
“Jenoa” o‘z maydonida “Kalyari”ni qabul qildi. Uchrashuvning 10-daqiqasida Eldor Shomurodov raqib jarima maydoni yonida to‘pni qabul qilib oldi va uni Kevin Strotmanga uzatdi, Kevinning uzatmasidan keyin esa Mattia Destro hisobni ochdi.
Tanaffusga qadar har ikki jamoada bir qator imkoniyatlar bo‘ldi, ayniqsa, mehmonlar vaziyatlar yaratishda faolroq bo‘ldi. Ikkinchi bo‘limda ham “Kalyari” genuyaliklar darvozasi oldida bosimni yuzaga keltirdi, biroq hisob o‘yin yakuniga qadar boshqa o‘zgarmadi.
16-o‘rinda borayotgan “Jenoa” ushbu g‘alabadan keyin ochkolarini 18 taga yetkazib oldi. “Grifonlar” ochkolar borasida “Udineze” va “Spetsiya”ga yetib oldi. “Kalyari” (14) esa 18-pog‘onada qoldi.
Asosiy tarkibda maydonga tushgan Shomurodov 77-daqiqada zaxiraga olindi.
Yana bir bahsda “Napoli” “Verona” maydoniga safar qildi. 1-daqiqadayoq Irving Losanoning golidan keyin oldinga o‘tib olgan neapolliklar keyinchalik o‘z darvozasidan uchta to‘p olib chiqdi.
“Napoli” 34 ochko bilan 6-pog‘onaga tushib ketdi, “Verona” (27) 9-pog‘onaga joylashib oldi.
A Seriya
19-tur bahslari
24-yanvar, yakshanba
“Jenoa” — “Kalyari” 1:0
Gol: 1:0 – 10 Destro.“Jenoa”: Perin, Krishito, Zappakosta, Masello, Chiborra (Ongene, 56), Strotman (Behrami, 63), Radovanovich, Badel, Zays (Melegoni, 77), Destro (Pandev, 62), Shomurodov (Pyatsa, 77).
“Kalyari”: Krano, Likoyannis, Godin, Zappa, Cheppitelli, Dankan (Sottil, 70), Nainggolan (Pereyro, 85), Marin, Nandes, Joao Pedro, Simeone (Cherri, 70).
Ogohlantirishlar: Destro (18), Nandes (20), Zappa (85).
“Verona” — “Napoli” 3:1
Gollar: 0:1 – 1 Losano, 1:1 – 34 Dimarko, 2:1 – 62 Barak, 3:1 – 79 Zakkanyi.“Verona”: Silvestri, Dimarko (Manyani, 56), Davidovich, Gyunter (Lovato, 76), Faraoni, Ilich, Tamez, Barak, Lazovich, Zakkanyi (Bessa, 83), Kalinich (Di Karmine, 56).
“Napoli”: Meret, Maksimovich, Di Lorenso, Kulibali, Hyusay, Bakayoko (Lobotka, 83), Zelinski (Elmaz, 83), Losano, Demme (Politano, 65), Insinye (Mertens, 60), Petanya (Osimhen, 65).
Ogohlantirishlar: Demme (16), Di Lorenso (54), Manyani (60), Kulibali (71), Zakkanyi (80).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)