Futbol bo‘yicha Ispaniya La Ligasining 20-turida “Barselona” 24-yanvar, yakshanba kuni “Elche” maydoniga safar qildi.
Uchrashuvning 39-daqiqasida Frenki de Yong katalonlarni oldinga olib chiqdi. Ikkinchi gol uchrashuv yakunlanishi arafasida kiritildi. Zaxiradan maydonga qo‘shilgan Rikard Puch mehmonlarga ishonchli g‘alabani taqdim etdi.
Ushbu g‘alabadan keyin ochkolarini 37 taga yetkazib olgan holda 3-o‘rinda bormoqda. “Elche” (17) esa 19-pog‘onada qoldi.
“Barselona” keyingi turda “Atletik B”ni mehmon qiladi. “Elche” esa “Valensiya” maydonida mehmon bo‘ladi.
La Liga
20-tur bahsi
24-yanvar, yakshanba
“Elche” — “Barselona” 0:2
Gollar: 0:1 – 39 de Yong, 0:2 – 89 Puch.“Elche”: Badiya, Moxika, Verdu, Barragan, Diyego Gonsales, Guti (Morente, 74), Rodriges (Nino, 82), Markone, Xosan, Rigoni (Luismi, 75), Boye.
“Barselona”: ter Shtegen, Arauxo, Alba, Mingesa, Umtiti, Buskets, de Yong, Dembele (Trinkau, 74), Pedri (Puch, 87), Breytueyt, Grizmann.
Ogohlantirishlar: Buskets (68), Grizmann (84).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)