Futbol bo‘yicha Germaniya chempionatining 18-turida “Bavariya” 24-yanvar, yakshanba kuni “Shalke-04” uyida mehmon bo‘ldi.
Uchrashuvning 33-daqiqasida Tomas Myuller myunxenliklarni oldinga olib chiqdi. Ikkinchi bo‘lim debyutida Robert Levandovski mehmonlarning ikkinchi goliga muallif bo‘ldi.
Bahs yakunlanishi arafasida “Bavariya” yana ikkita gol urishga muvaffaq bo‘ldi. 88-daqiqada Myuller dubl qayd etgan bo‘lsa, oradan ikki daqiqa o‘tib Leroy Sane yakuniy hisobni o‘rnatdi — 0:4.
Ushbu g‘alabadan keyin ochkolarini 42 taga yetkazib olgan holda peshqadamlikni mustahkamladi va eng yaqin ta’qibchisidan 7 ochkoga ilgarilab ketdi. Gelzenkirxenliklar esa 7 ochko bilan so‘nggi pog‘onada bormoqda.
Bundesliga
18-tur bahsi
24-yanvar, yakshanba
“Shalke-04” — “Bavariya” 0:4
Gollar: 0:1 – 33 Myuller, 0:2 – 54 Levandovski, 0:3 – 88 Myuller, 0:4 – 90 Alaba.“Shalke-04”: Fermann, Bekker, Nastasich, Kabak, Ochipka, Stambuli, Serdar, Harit (Shopf, 72), Ut, Raman, Hopp (Bujelyab, 72).
“Bavariya”: Noyer, Zyule, Boateng, Alaba, Devis (Lyuka Ernandes, 68), Goretska, Kimmix, Myuller, Levandovski (Shupo-Moting, 80), Gnabri (Musiala, 64), Sane (Koman, 64).
Ogohlantirishlar: Nastasich (80), Boateng (84).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)