O‘zbekistonda haydovchilik guvohnomasini olmoqchi bo‘lganlarning davomati va o‘quv jarayonini onlayn nazorat qilish yo‘lga qo‘yilishi mumkin. Bu haqda IIV Yo‘l harakati xavfsizligi bosh boshqarmasi xabar berdi.
2021-yilda Davlat yo‘l harakati xavfsizligi xizmati sohasida qator istiqbolli rejalar amalga oshirilishi kutilmoqda. Jumladan, haydovchilik guvohnomasini olish uchun o‘qiyotgan nomzodlar davomati va o‘quv jarayonini onlayn tarzda nazorat qilish tizimini yaratish rejalashtirilgan.
Bundan tashqari, 2021-yilda transport vositalarini davlat ro‘yxatidan o‘tkazishda arizalarni onlayn yuborish ham joriy etilishi kutilmoqda. To‘lovlarni esa to‘liq billing tizimiga o‘tkazish mo‘ljallangan. Bu fuqarolarning sababsiz kutib qolishlari oldini olishga yordam berishi aytilmoqda.
Avvalroq O‘zbekistonda tadbirkorlarga yo‘llarda qoidabuzarlikni qayd etuvchi kameralar o‘rnatish va haydovchilik guvohnomasi uchun imtihonlar o‘tkazish huquqi berilgani haqida xabar qilingandi.
Izoh (0)