«Барселона» бош мураббийи Рональд Куман жамоа ҳужумчиси Лионель Мессининг Испания Суперкубоги финали доирасида «Атлетик Б»га қарши баҳсдаги иштироки ҳақида гапириб ўтди.
Лео машғулот ўтказади. Сўнгги сўз доим футболчиларнинг ўзида қолади. Унинг майдонга тушишига умид қиламиз.Аввалроқ Мессининг жароҳат сабаб Суперкубок финалини ўтказиб юбориши мумкинлиги айтилганди.Лео билан жамоа кучли. Агар у майдонда бўлмаса, бизга ижодкорлик ва самарадорлик етишмайди. Месси майдонда бўлса, у ҳолда жамоа кучли бўлади. Борди-ю у бўлмаса, ўз футболмизни кўрсатишга ҳаракат қиламиз. Ҳар бир футболчи ўйнаш учун 100 фоиз тайёр бўлиши лозим.
Олдимизда жуда кўп ўйинлар кутиб турибди. Бу мавсумнинг сўнгги ўйини эмас. Ўзини қандай ҳис этишига қараб, сўнгги қарорни Мессининг ўзи қабул қилади.
Рональд Куман, «Барселона» бош мураббийи
Эслатиб ўтамиз, Испания Суперкубоги учун кечадиган «Барселона»—«Атлетик Б» баҳси Тошкент вақти билан 18 январга ўтар кечаси 01:00 да бошланиши режалаштирилган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)