UFC’ning yengil vazndagi chempioni Habib Nurmagomedov hamda tashkilot prezidenti Deyna Uayt Abu-Dabida uchrashuv o‘tkazdi. Deyna Uayt uchrashuv qanday o‘tgani haqida gapirib o‘tdi.
“Habibning boshiga juda ko‘p narsa tushdi: otasining vafoti, Getji bilan jangdan oldin oyog‘idan jarohat olishi. O‘shanda Habib bilan o‘ziga kelib olishi uchun tanaffus olish borasida kelishib olgandik.
Habib o‘zi xohlagan barcha narsaga erishdi. Uning qaytishi uchun motivatsiya yo‘q. Kelasi hafta biz ikkita top jang guvohiga aylanamiz: Konor Makgregor Dastin Poryega qarshi, Maykl Chendler esa Den Hukerga.
Agar ushbu yigitlar qandaydir fenomenal narsa ko‘rsata olsa, Habib qaytish borasida o‘ylab ko‘rishini aytdi. Shuning unga ayni damda Charlz Oliveyraning haraktalari ma’qul kelayotgan ekan. Habib qaytish uchun sabab ko‘rmasa, divizion chempionligini ushlab turmaydi”, — deydi Uayt.
Eslatib o‘tamiz, Habib Nurmagomedov 2020-yil 24-oktabrida UFC 254 musobaqasi doirasida Jastin Getjini mag‘lub etgandi. Jang tugashi bilan Habib MMA’dagi sportchilik faoliyatini yakunlashini e’lon qilgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)