Niderlandiya hukumati bolalar naqafalaridagi firibgarlik borasidagi xato ayblov sabab jabr ko‘rgan minglab oilalar mojarosi fonida iste’foga chiqdi, deb xabar beradi Dutch News nashri.
Ta’kidlanishicha, to‘rt partiyadan iborat koalitsiyaning tarqalishi kutilmagan hodisa bo‘lmagan, ayniqsa, 14-yanvar kuni leyboristlar yetakchisi Lodevik Asherning iste’foga chiqishi to‘g‘risidagi qaroridan keyin. Asher mojaro vaqtida ijtimoiy ta’minot vaziri bo‘lgan. Minglab oilalar xatolik sabab soliq xizmatlari tomonidan firibgarlikda ayblangan edi. Ular hatto nafaqalarni qaytarib to‘lashiga bir bahya qolgan. Mazkur ishga vazirlar, ijtimoiy xizmat xodimlari, parlament va sudyalar aloqador bo‘lgan.
Niderlandiya bosh vaziri Mark Ryutte o‘z lavozimida qolishni va koronavirus pandemiyasini hal etishni istagan, biroq boshqa partiyalarning yetakchilari mojaroning “siyosiy oqibatlari”dan qochib bo‘lmasligini ma’lum qilgan.
Vazirlar 2021-yil 17-mart kuni o‘tkaziladigan saylovlarga qadar o‘z vazifalarini vaqtincha bajarishda davom etadi. Ammo ular parlamentning quyi va yuqori palatalari ma’qullamagan qarorlarni qabul qila olmaydi.
Eslatib o‘tamiz, 2020-yilning dekabr o‘rtalarida parlament qo‘mitasi mamlakatdagi ko‘plab ota-onalar Davlat soliq xizmati va Bojxona boshqarmasi tomonidan bolalar nafaqasi tizimini suiiste’mol qilganligi ayblovi keltirilgani to‘g‘risidagi tekshiruv natijalarini e’lon qilgandi. Hujjatda ta’kidlanishicha, kamida 9 mingta oila tomonidan xatolikka yo‘l qo‘yilgan, biroq aslida ularning soni ancha ko‘p. Vaziyat bo‘yicha mas’uliyat vazirlar, davlat xizmatchilari, parlament deputatlari va hatto sudyalar zimmasiga qo‘yilgan.
Izoh (0)