Toshkent metropoliteni u ishga tushgan 1977-yildan beri to‘xtamagan. Biroq pandemiya sabab metro faoliyati to‘xtadi. Bu haqda Toshkent shahar hokimligi tayyorlagan videoda ma’lum qilindi.
Karantin vaqtida metropoliten yo‘lovchilarga xizmat ko‘rsatmadi. Biroq uning xodimlari guruhlarga bo‘linib, navbatma-navbat o‘z ishlarini bajarishdi.
Elektriklar poyezdlarning sozligini tekshirsa, mashinistlar kuniga 1–2 marta texnika turib qolishining oldini olish uchun marshrutga chiqqan.
Eslatib o‘tamiz, O‘zbekistonda jamoat transporti, xususan, metropoliten faoliyati 2020-yil 22-mart kuni karantin choralari kuchaytirilgani bois to‘xtatilgan edi. Oradan 5 oy o‘tib, 15-avgust kuni metropoliten harakati qayta yo‘lga qo‘yildi.
Izoh (0)