Фарғонада Тicо автомобили йўлни кесиб ўтаётган пиёдани уриб юборди, деб хабар беради вилоят ИИБ ахборот хизмати.
Маълумотларга кўра, 8 январь, жума куни Фарғона шаҳри Ислом Каримов кўчасида Тicо автомобили йўлни кесиб ўтаётган пиёдани уриб юборган. Оқибатда М.А. исмли аёл тан жароҳати олиб, шифохонада вафот этган.
Мазкур ҳолат юзасидан Фарғона шаҳар ИИО ФМБ ҳузуридаги тергов бўлими томонидан Жиноят кодексининг 266-моддаси (транспорт воситалари ҳаракати ёки улардан фойдаланиш хавфсизлиги қоидаларини бузиш) 2-қисми билан жиноят иши қўзғатилиб, тергов ҳаракатлари олиб борилмоқда.
Аввалроқ Гулистонда Nexia йўлдан ўтаётган она-болани уриб юборгани, Қорақалпоғистонда юз берган ЙТҲ оқибатида 1-синф ўқувчиси вафот этгани, Жиззахда мактаб ўқувчиси бошқарувидаги «Нива» икки вояга етмаган пиёдани уриб юборгани тўғрисида хабар берилганди.
Изоҳ (0)