Avstriyaning Mehnat, oila va yoshlar vazirligi rahbari Kristina Ashbaher diplom va dissertatsiya ishini yozishda plagiatga yo‘l qo‘ygani ayblovi fonida iste’foga chiqdi, deb xabar bermoqda Avstriyaning ORF nashriga tayanib Meduza.
Vazirga qarshi ayblovlarni Vena Texnologiya universiteti professori va ilmiy ishlarda plagiatni izlash bo‘yicha mutaxassis Stefan Veber ilgari surgan. Xususan, u Ashbaxerning diplom ishini “ilmiy falokat” deb atadi.
Ashbaxer bu ayblovlarni rad etgan. Vazir o‘z iste’fosini matbuot va siyosiy safdoshlari “xurofotlari” bilan izohlagan, shuningdek, oilasini dushmanlikdan himoya qilish istagini sabab qilib ko‘rsatgan.
“Men va oilam OAV va siyosiy muxolifat adolatli tekshiruv o‘tkazishga bermasdan, shoshma-shosharlik bilan aql bovar qilmaydigan darajada ayblayotganini ko‘ryapmiz. Shu sababli men o‘z lavozimimdan iste’foga chiqaman”, — deb ta’kidlagan Ashbaxer.
37 yoshli Ashbaxer 2006-yilda Viner-Noyshtadtdagi amaliy fanlar universitetida va 2020-yilda Slovakiyaning Bratislava texnika universitetida diplom ishini yozgan. Viner-Noyshadt universiteti Ashbaxerga qo‘yilgan ayblovlarni tekshirib ko‘rish istagini bildirdi.
Ashbaxer Mehnat, oila va yoshlar vaziri lavozimini 2020-yil yanvar oyida egallagan. Uning o‘rniga kim tayinlanishi hozircha e’lon qilinmagan.
Izoh (0)