O‘zbekistonda 4-yanvar kuni soat taxminan 17:00 dan boshlab Telegram messenjeri faoliyatida texnik muammolar kuzatildi. Foydalanuvchilar ilovaga kira olmagan yoki unda o‘z xabarlarini yuborishda muammolar kuzatilayotganligidan shikoyat qilgan.
Downdetector ma’lumotiga ko‘ra, Telegram ishidagi uzilish Rossiya, Ukraina, Belarus va Germaniyada ham kuzatilgan.
“O‘zkomnazorat” davlat inspeksiyasining yozishicha, messenjerdan foydalanuvchilarning 80 foizi ilovaga kirishning imkoni bo‘lmayotgani, 19 foizi esa xabarlar yuborilishida muammo borligini bildirgan.
Ayni vaqtda Telegram faoliyati qayta tiklangan. So‘nggi bor messenjer faoliyatidagi bunga o‘xshash texnik uzilishlar 2020-yil 16-dekabrda kuzatilgan edi.
Mavzuga doir: Telegram’da ming kishilik ovozli chatlar paydo bo‘ldi
Izoh (0)