Norvegiyada koronavirusga chalinish holatlari soni ortib bormoqda, shu bois mamlakat hukumati infeksiyaga qarshi kurash doirasida avval joriy etilgan cheklovlarni yanada kuchaytirish, xususan, kafelarda alkogol ichimliklar savdosini taqiqlash va xususiy tadbirlarda qatnashuvchilar sonini cheklash haqida qaror qabul qildi. Bu haqda mamlakat bosh vaziri Erna Sulberg ma’lum qilgan.
Mamlakatning 40 ta munitsipalitetida kasallanish holatlari ortib bormoqda; aholining bayramlardan so‘ng vatanga qaytishi va mamlakatda koronavirusning yangi shtammi aniqlanishi fonida, bu holat rasmiylarning haqli xavotiriga sabab bo‘lyapti, deya izohlagan bosh vazir.
Ma’lum bo‘lishicha, 4—18-noyabr kunlari Norvegiyada quyidagi cheklovlar amal qiladi:
- kafelar yopilmasa-da, unda alkogol ichimlar savdosi taqiqlanadi (bungacha yarim tundan so‘ng alkogol sotish taqiqlangan edi);
- uydan tashqaridagi xususiy tadbirlarda, masalan, tug‘ilgan kun oqshomlarida ishtirokchilar soni besh kishidan oshmasligi kerak edi (bungacha bunday tadbirlarda 20 kishi qatnashishi mumkin edi). Yopiq inshootlardagi ochiq tadbirlarda ishtirokchilar soni 10 kishidan oshmasligi lozim. Agar ishtirokchilar oraliq masofani saqlab o‘tirsa, u holda ko‘pi bilan 200 kishi qatnashishi mumkin (bu qoida o‘zgarishsiz qolgan).
- dafn marosimlarida tashrifchilar soni 50 kishidan oshmasligi lozim (oraliq masofa saqlanmasa ham).
- universitet, kollej va kasb-hunar bilim yurtlaridagi barcha mashg‘ulotlarni masofaviy formatga o‘tkazish;
- zaruratsiz safarga chiqmaslik;
- odamlar oraliq masofani saqlay olishi uchun savdo markazlarida tashrifchilar sonini tartibga solish;
- rejalashtirib qo‘yilgan barcha dam olish, sport va madaniy tadbirlarni boshqa sanaga qoldirish.
Jons Hopkins universiteti ma’lumotlariga ko‘ra, pandemiya boshidan beri Norvegiyada 50,5 mingta kasallanish holati qayd etilgan. Mamlakatda shu vaqtgacha koronavirusga chalingan 436 kishi vafot etgan.
Izoh (0)