Профессионал бокснинг енгил вазн тоифасида (-61,2 кг) рингга чиқаётган америкалик енгилмас боксчи Райан Гарсия (20-0, 17 КО) Тошкент вақти билан 3 январь тонгида навбатдаги жангини ўтказади.
АҚШда ташкил этиладиган бокс оқшомида Райан Гарсияга британиялик Люк Кемпбелл (20-3, 16 КО) рақиблик қилади.
Ушбу жанг ғолиби WBC’нинг вақтинчалик чемпиони мақомини қўлга киритади ва камар соҳиби Дэвид Ҳейнига (24-0, 15 КО) қарши жанг қилиш учун мажбурий даъвогарга айланади.
Жанг Ўзбекистон телеканалларида олиб берилмайди. Беллашувни буерда кузатиб боориш мумкин — ҳавола
Аслида жанг 5 декабрь санасига режалаштирилган, бироқ Кемпбеллда коронавирус аниқлангани сабаб беллашув 3 январь санасига қолдирилганди.
Маълумот учун, 22 ёшли Гарсия сўнгги жангини 2020 йил 14 февралида Франциско Фонсекага қарши ўтказиб, рақибини 1-раунддаёқ даҳшатли нокаутга учратганди. 33 ёшли Кемпбелл эса ўзининг сўнгги жангини 2019 йил 31 августида Василий Ломаченкога қарши ўтказиб, очколар эвазига мағлуб бўлганди.
Райан Гарсия ва Люк Кемпбелл ижросидаги энг сара жангларни томоша қилинг (видео)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)