Futbol bo‘yicha Ispaniya La Ligasining 16-turida “Barselona” 29-dekabr, seshanba kuni “Eybar”ni qabul qildi.
Uchrashuvning birinchi bo‘limida har ikki jamoalarida qator golga tortadigan vaziyat bo‘ldi. Katalonlar o‘yin debyutidayoq oldinga o‘tib olishi mumkin edi, biroq Martin Breytueyt penaltini golga aylantira olmadi.
Ikkinchi bo‘lim debyutida mezbonlar himoyasidagi xatodan keyin oldinga o‘tib ketgan “Eybar” vakillari Kike Garsiyaning golidan keyin hisobni ochdi.
Bunga maydon egalari 67-daqiqada Usmon Dembelening goli bilan javob qaytardi. Qolgan vaqtda “Barselona” futbolchilari harchand urinmasin hisob o‘zgarmadi.
“Barselona” 15 o‘yinda 25 ochko bilan 6-o‘rinda bormoqda, katalonlar 13 uchrashuv o‘tkazgan “Atletiko”dan 7 ochko ortda qolmoqda. “Eybar” (16) 14-pog‘onaga ko‘tarildi.
Yana bir markaziy uchrashuv “Sevilya” va “Vilyarreal” jamoalari o‘rtasida kechdi. Lukas Okampos va Yussuf an-Neserinining gollari mezbonlarga g‘alaba olib keldi.
Xulen Lopetegi shogirdlari bu g‘alabadan keyin ochkolarini 26 taga yetkazib oldi va 4-o‘ringa ko‘tarildi. “Vilyarreal” (26) esa 5-pog‘onada tushdi.
La Liga
16-tur bahslari
29-dekabr, seshanba kuni
“Barselona” — “Eybar” 1:1
Gollar: 0:1 – 57 Kike Garsiya, 1:1 – 67 Dembele.“Barselona”: ter Shtegen, Dest (Dembele, 46), Langle (Buskets, 82), Arauxo, Firpo, de Yong, Pyanich (Koutino, 66), Pedri (Puch, 89), Mingesa, Grizmann (Trinkau, 66), Breytueyt.
“Eybar”: Dmitrovich, Rafa Soaresh, Bigas, Burgos (Oliveyra, 73), Poso, Kondzer (Resio, 81), Inui, Eksposito, Diop (Kubero, 90), Alvares, Kike Garsiya (Muto, 73).
Ogohlantirishlar: Alvares (75), Resio (83).
“Sevilya” — “Vilyarreal” 2:0
Gollar: 1:0 – 8, penalti Okampos, 2:0 – 53 an-Nesiri.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)