Futbol bo‘yicha Angliya Premyer Ligasining 16-turida “Manchester Yunayted” 29-dekabr, seshanba kuni “Vulverhempton” bilan bahs yuritdi.
Uchrashuvning birinchi bo‘limi o‘rtacha tempda o‘tdi va har ikki jamoa vakillarida bir martadan golga tortadigan vaziyat bo‘ldi. Ikkinchi bo‘limda maydon egalari biroz faollikni oshirdi.
Uchrashuvga hakam tomonidan qo‘shib berilgan vaqtda Markus Reshfordning zarbasi raqib futbolchisiga tegib o‘z yo‘nalishini o‘zgartirdi va darvozadan joy oldi. Bu gol Ole-Gunnar Sulsher shogirdlariga g‘alaba keltirdi.
Mazkur g‘alabadan keyin “Manchester Yunayted” ochkolarini 30 taga yetkazib olgan holda 2-o‘ringa ko‘tarildi. “Bo‘rilar” (21) esa 12-pog‘onada qoldi.
APL
16-tur bahsi
29-dekabr, seshanba
“Manchester Yunayted” — “Vulverhempton” 1:0
Gol: 1:0 – 90+3 Reshford.“Manchester Yunayted”: De Xea, Uan-Bissaka, Telles (Shou, 46), Bayi, Maguayr, Matich, Pogba, Brunu Fernandesh (Maktominey, 90), Kavani, Grinvud (Marsyal, 64), Reshford.
“Vulverhempton”: Ruy Patrisiu, Huver, Ait-Nuri, Koudi, Saiss, Vitinya (Podense, 55), Ruben Nevesh, Netu (Fabiu Silva, 68), Moutinyu, Traore, Kilmen.
Ogohlantirishlar: Reshford (50), Ruy Patrisiu (73).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)