«Манчестер Юнайтед» Англия Премьер Лигаси 16-тури доирасида 29 декабрь куни «Вулверҳэмптон»га қарши кечган баҳсда ғалабага эришди (1:0).
Ғалаба тўпи 93-дақиқада Маркус Рэшфорд томонидан киритилди. Англиялик футболчи фаолияти мобайнида учинчи марта АПЛ учрашувида 90-дақиқадан кейинги голи билан жамоасига ғалаба олиб келди. Бу клуб рекорди ҳисобланади.
Шунингдек, бу АПЛ доирасида «Олд Траффорд»да 2009 йилдан кейинги энг кеч урилган гол бўлди. Ўшанда Майкл Оуэн «Манчестер Сити» дарвозасини 96-дақиқада ишғол қилганди.
23 ёшли футболчи жорий мавсум Премьер Лигада 15 ўйин ўтказиб, 7 гол ва тўртта голли узатма муаллифига айланди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)