Futbol bo‘yicha Angliya Premyer Ligasining 16-turida “Arsenal” 29-dekabr, seshanba kuni “Brayton” maydonida mehmon bo‘ldi.
Uchrashuvning birinchi bo‘limi o‘rtacha tempda o‘tdi va mehmonlar juda sust harakat qildi. Tanaffusdan keyin londonliklar faollikni oshirdi. 66-daqiqada zaxiradan maydonga qo‘shilganiga bir daqiqa ham bo‘lmagan Aleksander Lyakazett uchrashuv taqdirini hal qilgan golga muallif bo‘ldi.
“Arsenal” ushbu g‘alabadan keyin ochkolarini 20 taga yetkazib olgan holda 13-o‘ringa ko‘tarildi. “Brayton” (13) 17-pog‘onada qoldi.
“Lids” jamoasi “Vest Bromvich” maydoniga safar qildi va 5:0 hisobidagi g‘alabani qo‘lga kiritdi. “Sheffild Yunayted” esa “Byornli” maydonida mag‘lubiyatga uchrab, muvaffaqiyatsiz seriyasini davom ettirdi.
APL
16-tur bahslari
29-dekabr, seshanba
“Brayton” — “Arsenal” 0:1
Gol: 0:1 – 66 Lyakazett.“Brayton”: Sanches, Veltman, Uebster, Dank, Bernardo, Gross, Propper (March, 68), Mak Allister (Mope, 67), Bissuma, Jahonbahsh (Trossard, 75), Bern.
“Arsenal”: Leno, Holding, Mari, Tirni, Belyerin, Jaka, Saka (Sebalyos, 81), Martinelli (Lyakazett, 66), an-Nenni, Smit-Rou (Meytlend-Naylz, 89), Obameyang.
Ogohlantirishlar: Dank (59), Jahonbahsh (65).
“Vest Bromvich” — “Lids” 0:5
Gollar: 0:1 – 9, avtogol Soyers, 0:2 – 31 Alioski, 0:3 – 36 Harrison, 0:4 – 40 Rodrigo, 0:5 – 72 Rafinya.“Sauthempton” — “Vest Hem” 0:0
“Byornli” — “Sheffild Yunayted” 1:0
Gol: 1:0 – 32 Mi.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)