Президент Шавкат Мирзиёев Олий Мажлисга Мурожаатномаси давомида тадбиркорларни текширишга қарши 2017 йилда эълон қилинган мораторийнинг амал қилишини 2021 йилга ҳам узайтиришни таклиф қилди.
«Бундан тўрт йил олдин тадбиркорлик субъектларида текширишлар ўтказишга мораторий эълон қилган эдик. Бунинг натижасида ўтган даврда тадбиркорлар сони 2 баробар кўпайиб, 400 мингтага етди. Шунинг учун мораторий муддатини яна бир йилга узайтиришни таклиф этаман», — деди давлат раҳбари.
«Шу билан бирга, Ҳукумат томонидан бозорда тенг рақобат муҳитини яратиш ва ҳалол-пок тадбиркорларни — такрор айтаман — замонавий технологиялар асосида ишлаётган виждонли тадбиркорларни ҳар томонлама қўллаб-қувватлаш мақсадида ‘яширин иқтисодиётъни қисқартиришга қаратилган механизмлар жорий этилади», — дея қўшимча қилди Президент.
Аввалроқ Ўзбекистонда Тадбиркорлик кодекси ишлаб чиқилиши ҳақида хабар берилган эди.
Мавзуга доир:
- «Қийин бўляпти, лекин ўрганяпмиз». Шавкат Мирзиёев сўз эркинлиги соҳасида амалга оширилаётган ишлар ҳақида
- Шавкат Мирзиёев: Президент сайловлари халқаро тамойиллар асосида ўтказилиши керак
- «Коррупцияга тоқатсизлик ҳаётимиз бир қисмига айланиши керак» — Шавкат Мирзиёев
- Андижонда 2021 йил номи ёзилган баннер Президент мурожаатномаси тугамай ўрнатилди
Изоҳ (0)