“Yuventus” klubi va Portugaliya terma jamoasi hujumchisi Krishtianu Ronalduning qaylig‘i Jorjina Rodriges o‘zbekona libosda tushgan suratini namoyish qildi.
Jorjina Instagram sahifasiga o‘zbekona to‘nda tushgan suratini joyladi va unga quyidagicha sharh berib o‘tdi: “O‘zbekistondan mehr bilan tayyorlangan qo‘l mehnati”.
Rodriges bir necha yillardan beri portugaliyalik futbolchi bilan birga hayot kechiradi. Ularning 3 yoshli Alana Martina ismli qiz farzandi bor. Shuningdek, u Ronalduning surrogat onadan tug‘ilgan uch nafar farzandiga ham onalik qiladi.
2019-yilning noyabr oyida juftlik maxfiy ravishda nikohdan o‘tgani haqida xabarlar yangragandi. Biroq bu xabar haligacha rasman tasdiqlanmagan.
Eslatib o‘tamiz, Ronaldu may oyida O‘zbekiston MMA assotsiatsiyasi ramzi tushirilgan libosda tushgan suratini Instagram sahifasiga joylagandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)