«Ювентус» клуби ва Португалия терма жамоаси ҳужумчиси Криштиану Роналдунинг қайлиғи Жоржина Родригес ўзбекона либосда тушган суратини намойиш қилди.
Жоржина Instagram саҳифасига ўзбекона тўнда тушган суратини жойлади ва унга қуйидагича шарҳ бериб ўтди: «Ўзбекистондан меҳр билан тайёрланган қўл меҳнати».
Родригес бир неча йиллардан бери португалиялик футболчи билан бирга ҳаёт кечиради. Уларнинг 3 ёшли Алана Мартина исмли қиз фарзанди бор. Шунингдек, у Роналдунинг суррогат онадан туғилган уч нафар фарзандига ҳам оналик қилади.
2019 йилнинг ноябрь ойида жуфтлик махфий равишда никоҳдан ўтгани ҳақида хабарлар янграганди. Бироқ бу хабар ҳалигача расман тасдиқланмаган.
Эслатиб ўтамиз, Роналду май ойида Ўзбекистон MMA ассоциацияси рамзи туширилган либосда тушган суратини Instagram саҳифасига жойлаганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)