2020-yilda afsonaviy “Xabbl” teleskopi o‘zining 30 yilligini nishonlamoqda. Shu munosabat bilan NASA ushbu apparat yordamida olingan suratlarni yangilashga qaror qildi, deb xabar beradi New Atlas. Suratni yangi deb bo‘lmaydi, biroq ularni bunga qadar faqatgina tadqiqotchi va olimlar ko‘ra olgan xolos. Suratlar qayta ishlangach va ilmiy yozuvlar olib tashlangach, internetda paydo bo‘lgan.
Ko‘plab kadrlarda galaktikalar, tumanliklarning turli ko‘rinishlari, shuningdek, g‘aroyib shakldagi yulduz turkumlari tasvirlangan.
“Xabbl” teleskopi 1990-yil 24-aprelda Discovery STS-31 shattlida hisob orbitasiga olib chiqilgan. Teleskop faoliyati davomida unda 1,4 million marotaba kuzatishlar amalga oshirilgan, “Xabbl”da olingan ma’lumotlar 17 ming ilmiy maqolalarda foydalanilgan. 2018-yilda NASA “Xabbl” yana 10 yil ishlay olishini ma’lum qilgandi.
Mavzuga doir: “Xabbl” teleskopi siz tug‘ilgan kunda nimani kuzatgan? NASA’ning yangi servisi buni bilish imkoniyatini taqdim etadi
Izoh (0)