“Barselona” hujumchisi Lionel Messi 21-dekabr kuni Marca nashri tomonidan mavsumning eng yaxshi to‘purariga topshiriladigan Pichichi sovrinini qabul qilib oldi.
33 yoshli futbolchi bu sovrinni qo‘lga kiritishi iyul oyidayoq ma’lum bo‘lgandi, biroq Leo uni endi qabul qilib oldi.
Shu tariqa Messi faoliyati mobaynida yettinchi marta Pichichi sovriniga ega chiqdi. O‘yinchi 2010, 2012, 2013, 2017, 2018 va 2019-yillarda ushbu sovrinni qo‘lga kiritgan.
Sovrin Pichichi laqabi bilan mashhur “Atletik” sobiq hujumchisi Rafael Moreno Aransandi sharafiga shunday nomlangan.
Messi La Liga 2019/20-yilgi mavsumida 25 ta gol bilan eng yaxshi to‘purarga aylandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)