Angliya Liga Kubogining final uchrashuv boshqa muddatga qoldirildi. Bu haqda Angliya futbol ligasi (EFL) rahbariyati ma’lum qildi.
2021-yilning 28-fevral kuniga mo‘ljallangan final bahsi 25-aprel kuniga ko‘chirilgan. EFL bu orqali final uchrashuvida iloji boricha ko‘proq tomoshabin bo‘lishini istamoqda. Bahorga qadar hukumat stadionlarga tomoshabinlar kiritilishiga ruxsat berishiga umid qilinmoqda.
Liga Kubogining chorak final uchrashuvlari 22–23-dekabr kunlari bo‘lib o‘tadi. Seshanba kuni “Brentford” o‘zida “Nyukasl”ni qabul qilsa, “Manchester Siti” esa “Arsenal” maydonida mehmon bo‘ladi. Chorshanba kuni esa “Tottenhem” — “Stok Siti” va “Everton” — “Manchester Yunayted” uchrashuvlari bo‘lib o‘tadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)