“Milan” hujumchisi Zlatan Ibragimovich mashg‘ulotlar vaqtida yana jarohat oldi.
39 yoshli futbolchi 22-noyabrda son mushaklaridan jarohat olgandi. 18-dekabr kuni Zlatan jamoaviy mashg‘ulotlarda ishtirok etdi. Mashg‘ulotlar so‘ngida shvetsiyalik futbolchi boldirida og‘riq sezgan.
MRT xulosalari mushaklarda qon yig‘ilganini ko‘rsatgan. Yangi muolajalar o‘n kundan kam bo‘lmagan vaqtni olishi aytilmoqda.
Shu tariqa Ibragimovich 2020-yil oxirigacha bo‘lgan o‘yinlarda ishtirok eta olmaydi. Futbolchi A Seriya doirasidagi “Sassuolo”, “Latsio” va “Benevento”ga qarshi bahslarni o‘tkazib yuboradi. Shuningdek, 6-yanvar kunga mo‘ljallangan “Yuventus”ga qarshi bahsda ishtirok etishi noma’lum bo‘lib qolmoqda.
Zlatan A Seriya joriy mavsumida 6 ta o‘yin o‘tkazib, 10 ta gol va bitta golli uzatma muallifiga aylandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)