Futbol bo‘yicha Germaniya Bundesligasining 13-turida “Borussiya D” 18-dekabr, juma kuni “Union” mehmoni bo‘ldi.
Uchrashuvning birinchi bo‘limida kichik ustunlik dortmundliklar tomonida bo‘ldi, biroq mehmonlar o‘z imkoniyatlaridan foydalana olmadi. Ikkinchi bo‘lim debyutida Tayvo Avoniyi poytaxtliklarni oldinga olib chiqdi.
Bunga “Borussiya” 16 yoshli Yusuffa Mukokoning goli bilan javob qaytardi. 78-daqiqada Marvin Fridrix maydon egalarining g‘alaba to‘pini kiritdi.
Shu tariqa ushbu g‘alabadan keyin “Union” ochkolarini 21 taga yetkazib oldi va 5-o‘ringa ko‘tarildi. “Borussiya” (22) esa hozircha 4-pog‘onada bormoqda.
https://youtu.be/fF4pEoqLTRk
Bundesliga
13-tur bahsi
18-dekabr, juma
“Union Berlin” — “Borussiya D” 2:1
Gollar: 1:0 – 57 Avoniyi, 1:1 – 60 Mukoko, 2:1 – 78 Fridrix.“Union Berlin”: Lyute, Trimmel (Ryuerson, 72), Knoxe, Fridrix, Lens, Grisbek, Premel, Bekker, Avoniyi (Gogiya, 86), Toyxert (Gisselmann, 85), Byulter (Endo, 66).
“Borussiya D”: Byurki, Hummels, Akanji (Shuls, 85), Gerreyru, Vitsel, Jan (Bellinghem, 80), Sancho, Reyna, Mene (Morey, 80), Roys (Brandt, 72), Mukoko.
Ogohlantirishlar: Byulter (62), Vitsel (67).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)