“Borussiya D” hujumchisi Erling Holand Bundesliganing noyabr oyidagi eng yaxshi o‘yinchisi deb topildi.
20 yoshli futbolchi noyabr oyidagi uchta o‘yinda beshta gol urishga erishdi. Holand “Herta”ga qarshi bahsda (5:2) poker qayd etgan bo‘lsa, “Bavariya” bilan bo‘lgan o‘yinda (2:3) bitta gol urdi. “Kyoln”ga qarshi uchrashuvda (1:2) esa norvegiyalik futbolchi samarali harakatni amalga oshira olmadi.
Ushbu sovringa shuningdek, Anxelinyo (“Leypsig”), Jan-Filip Mateta (“Mayns”), Vaut Vergost (“Volfsburg”), Maks Kruze (“Union”) va Kingsli Koman (“Bavariya”) kabi futbolchilar da’vogar bo‘lgandi.
🎮 Player of the Month 🎮@ErlingHaaland picks up the #BundesligaPOTM award for November 🐝🇳🇴
— Bundesliga English (@Bundesliga_EN) December 18, 2020
@EASPORTSFIFA #FIFA21 pic.twitter.com/hLyg1e63dE
Erling Bundesliga 2020/21-yilgi mavsumida 8 o‘yin o‘tkazib, 10 gol va ikkita golli uzatma muallifiga aylandi. Ayni vaqtda futbolchi jarohatini tiklash bilan band.
Eslatib o‘tamiz, noyabr oyida Robert Levandovski (“Bavariya”) ushbu nomga loyiq ko‘rilgan bo‘lsa, oktabrda Andrey Kramarich (“Hoffenhaym”) oyning eng yaxshisi bo‘lgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)