Bugun,

  • USD 11095.31
  • RUB 173.84
  • EUR 10772.44

Moldova parlamenti pensiya islohotini bekor qildi hamda erkaklar va ayollar uchun pensiyaga chiqishning avvalgi yoshini qaytardi. Bu haqda Meduza xabar berdi.

Foto: “Korrespondent.net”

Foto: “Korrespondent.net”

Parlamentning 101 deputatidan 54 nafari pensiya yoshini bosqichma-bosqich erkaklar uchun 62 dan 63 ga va ayollar uchun 57 dan 63 ga ko‘tarish haqidagi qonunni bekor qilish tashabbusini qo‘llab-quvvatladi. Qonun 2016-yilda qabul qilingandi.

Shu tariqa, 2021-yilning 1-yanvaridan Moldovada erkaklar 62 yoshdan, ayollar esa 57 yoshdan pensiyaga chiqishi mumkin. Bundan tashqari, yangi qonunda besh nafar farzandi bor onalar 54 yoshdan pensiyaga chiqishi mumkinligi belgilab qo‘yildi.

Noyabr oyida prezidentlik saylovida mag‘lubiyatga uchragan Moldovaning amaldagi prezidenti Igor Dodon prezident sifatida imzo chekishni istayotgan so‘nggi hujjati pensiya yoshini pasaytirish to‘g‘risidagi qonun ekanligini aytgan.

Qayd etilishicha, pensiya islohotining tasdiqlanishi Xalqaro valyuta jamg‘armasining Moldova bilan yangi dastur imzolashi uchun asosiy shartlardan biri bo‘lgan. Pensiya islohotining bekor qilinishi Moldovaning tashqi moliyalashtirilishi to‘xtatilishiga olib kelishi mumkin. Qonun parlament tomonidan hukumatning xulosasisiz qabul qilingan. Bu esa budjetdan moliyalashtirishga taalluqli qonunlar qabul qilinganda Konstitutsiyaga to‘g‘ri kelmaydigan holat hisoblanadi.

Eslatib o‘tamiz, Moldovada o‘tkazilgan prezidentlik saylovlarining ikkinchi turida 97,29 foiz byulletenlar hisobi bo‘yicha 54,04 foiz ovoz bilan mamlakat sobiq bosh vaziri va “Harakat va birdamlik” muxolifat partiyasi yetakchisi Mayya Sandu g‘oliblikni qo‘lga kiritdi.

Izoh
Asosiy yangiliklar
Mahalliy
Aholining valyuta ayirboshlashga yoʻnaltirgan pul mablagʻlari hajmi 68 foizga oʻsdi — Markaziy bank
Mahalliy
Samarqandda 2 kishi ovqatdan zaharlanib vafot etdi
Mahalliy
Toshkentda avtobusning yurgan masofasiga qarab to‘lov qilish tizimi yo‘lga qo‘yiladi