Toshkent shahri Yakkasaroy tumanida 15-dekabr kuni Mercedes G 63 AMG va Nexia avtomobillari ishtirokida yo‘l-transport hodisasi yuz berdi. Bu haqda Ichki ishlar vazirligi Yo‘l harakati xavfsizligi bosh boshqarmasi xabar berdi.
Dastlabki ma’lumotlarga ko‘ra, 15-dekabr kuni soat 20:40 da Yakkasaroy tumani Shota Rustaveli ko‘chasida joylashgan “Qanotchi” kafesi qarshisida 1989-yilda tug‘ilgan haydovchi M.A. boshqaruvidagi Mercedes G 63 AMG hamda 1981-yilda tug‘ilgan haydovchi R.A. boshqaruvidagi Nexia to‘qnashgan.
To‘qnashuv natijasida Nexia haydovchisi, 39 yoshli R.A. tan jarohati bilan shifoxonaga olib ketilgan.
Mazkur YTH yuzasidan Toshkent shahar IIBB YHXB mas’ul xodimlari tomonidan tegishli hujjatlar rasmiylashtirilib, dastlabki surishtiruv ishlari olib borilmoqda.
Izoh (0)