Тошкент шаҳри Яккасарой туманида 15 декабрь куни Mercedes G 63 AMG ва Nexia автомобиллари иштирокида йўл-транспорт ҳодисаси юз берди. Бу ҳақда Ички ишлар вазирлиги Йўл ҳаракати хавфсизлиги бош бошқармаси хабар берди.
Дастлабки маълумотларга кўра, 15 декабрь куни соат 20:40 да Яккасарой тумани Шота Руставели кўчасида жойлашган «Қанотчи» кафеси қаршисида 1989 йилда туғилган ҳайдовчи М.А. бошқарувидаги Mercedes G 63 AMG ҳамда 1981 йилда туғилган ҳайдовчи Р.А. бошқарувидаги Nexia тўқнашган.
Тўқнашув натижасида Nexia ҳайдовчиси, 39 ёшли Р.А. тан жароҳати билан шифохонага олиб кетилган.
Мазкур ЙТҲ юзасидан Тошкент шаҳар ИИББ ЙҲХБ масъул ходимлари томонидан тегишли ҳужжатлар расмийлаштирилиб, дастлабки суриштирув ишлари олиб борилмоқда.
Изоҳ (0)