O‘zbekiston Markaziy banki tomonidan tijorat banklari orqali sotuvga chiqarilgan og‘irligi 5, 10, 20 va 50 gramm bo‘lgan, 999,9 soflikdagi oltindan tayyorlangan quymalar narxlari pasaymoqda. Bu haqda “Yangi O‘zbekiston” xabar berdi.
Markaziy bank 15-dekabr uchun oltin quymalar narxini e’lon qildi:
- 5 grammlik oltin quyma — 3 320 000 so‘m;
- 10 grammlik oltin quyma — 6 517 000 so‘m;
- 20 grammlik oltin quyma — 12 911 000 so‘m;
- 50 grammlik oltin quyma — 32 278 000 so‘m.
- 5 grammlik oltin quyma — 3 340 000 so‘m;
- 10 grammlik oltin quyma — 6 556 000 so‘m;
- 20 grammlik oltin quyma — 12 988 000 so‘m;
- 50 grammlik oltin quyma — 32 469 000 so‘m.
Oltin quymalarning sotish va qaytarib sotib olish narxlari oltinning jahon bozoridagi narxi va Markaziy bank tomonidan belgilangan marja yoki chegirma asosida shakllanadi va har kuni Markaziy bankning veb-saytida milliy valyutada e’lon qilib boriladi.
Marja va chegirma miqdorlari o‘lchovli quymalarning muomalaga chiqarilishi va muomalada bo‘lishi bilan bog‘liq operatsion xarajatlarni hisobga olgan holda belgilanadi.
Qadoqlari but oltin quymalar sotuv shoxobchalarida tijorat banki tomonidan yombi egasiga to‘lovni darhol amalga oshirish orqali qaytarib sotib olinadi.
Qadog‘i buzilgan yoki texnik talablarga mos kelmaydigan oltin quymalarni qaytarib sotib olish ularni texnik ekspertizadan o‘tkazish orqali amalga oshiriladi va ekspertiza o‘tkazilgandan so‘ng to‘lov to‘lab beriladi. Qadog‘i but holatdagi oltin quymalarni O‘zbekiston Respublikasi hududidan tashqariga olib chiqishga ruxsat beriladi.
Eslatib o‘tamiz, aholining investitsiya va jamg‘arish imkoniyatlarini kengaytirish, shuningdek, qimmatbaho metallar muomalasini rivojlantirish maqsadida 2020-yilning 2-noyabridan boshlab O‘zbekiston Markaziy banki o‘lchovli oltin quymalarni tijorat banklari orqali sotuvga chiqardi. Oltin quymalarning qadog‘i sertifikat vazifasini bajaradi va o‘z seriya raqamiga ega bo‘ladi.
Izoh (0)