Toshkent shahri Uchtepa tumanida 22 yoshli haydovchi BMW X5 mashinasining boshqaruvini yo‘qotishi oqibatida yo‘l-transport hodisasiga uchradi. Bu haqda Ichki ishlar vazirligi Yo‘l harakati xavfsizligi bosh boshqarmasi xabar berdi.
Ma’lum qilinishicha, 14-dekabr kuni soat 12:10 da Toshkent shahar Uchtepa tumani To‘qimachi ko‘chasida 1998-yilda tug‘ilgan haydovchi A.A. BMW X5 avtomobilida harakatlanayotib boshqaruvni yo‘qotgan va yo‘l chetidagi simyog‘ochga urilib, avtomobil ag‘darilgan.
“Hodisa natijasida vafot etgan yoki tan jarohati olganlar yo‘q. Mazkur YTH yuzasidan Toshkent shahar IIBB YHXB mas’ul xodimlari tomonidan tegishli hujjatlar rasmiylashtirilib, surishtiruv ishlari olib borilmoqda”, — deyiladi xabarda.
Mavzuga doir:
- Oqdaryoda tanishining Lacetti’sini olib qochgan mast haydovchi beton to‘siqni buzib o‘tdi
- Surxondaryoda haydovchilik guvohnomasi bo‘lmagan yigit otasining Cobalt’ida YTHga uchradi. Avariya oqibatida 22 yoshli yigit vafot etgan
- Farg‘onada Spark daraxtga urilishi natijasida haydovchi va yo‘lovchi vafot etdi
Izoh (0)