Namangan viloyatida 12-dekabr kuni “ZIL-130” va Nexia avtomobili ishtirokida yuz bergan yo‘l-transport hodisasi oqibatida Nexia’da bo‘lgan ikki yo‘lovchi va haydovchi vafot etdi. Bu haqda Namangan viloyati IIB axborot xizmati xabar berdi.
Ma’lum qilinishicha, 2020-yilning 12-dekabr kuni soat 08:40 da Baliqchi—Jomashuy—Pungon yo‘lining 64-kilometrida YTH sodir bo‘lgan. “Ingichka” MFY hududida 1991-yilda tug‘ilgan fuqaro “ZIL-130” yuk mashinasini boshqarib borayotib, harakat xavfsizligini ta’minlay olmay, qarama-qarshi yo‘nalishga chiqib ketgan. Natijada yuk mashinasi qarama-qarshi yo‘nalishda harakatlanib kelayotgan Nexia bilan to‘qnashgan.
YTH oqibatida Nexia salonida bo‘lgan yo‘lovchi ayol voqea joyida vafot etgan. Yana bir nafar yo‘lovchi va haydovchi og‘ir tan jarohati olib, shifoxonada vafot etgan. Qolgan ikki nafar yo‘lovchi ayol tan jarohati olib, shifoxonaga yotqizilgan.
Ushbu holat bo‘yicha Mingbuloq tumani IIB huzuridagi Tergov bo‘limi tomonidan 12-dekabr kuni Jinoyat kodeksining 266-moddasi 3-qismi (odamlar o‘limiga olib kelgan transport vositalari harakati yoki ulardan foydalanish xavfsizligi qoidalarini buzish) bilan jinoyat ishi qo‘zg‘atilgan.
Mavzuga doir:
- Namanganda 2020-yilning 11 oyi davomida 152 kishi YTH qurboni bo‘lgan
- Surxondaryodagi ta’mirlanayotgan yo‘lda Cobalt ag‘darilib ketdi. Haydovchi voqea joyida vafot etdi
- Surxondaryoda teplovoz Matiz’ni urib yubordi. Avtomobil haydovchisi voqea joyida vafot etgan
- Ishtixonda Matiz va Nexia’ning to‘qnashishi oqibatida haydovchilardan biri vafot etdi
Izoh (0)