Toshkent shahrida 4-dekabr kuni 72 va 148-sonli avtobus yo‘nalishi haydovchilari kimo‘zarga harakatlanishi oqibatida ikki avtobus bir-biriga urilgani, mazkur avtobuslar haydovchilari ishdan haydalgani xabar berilgandi.
“Toshshahartransxizmat” axborot xizmati xabariga ko‘ra, 11-dekabr kuni Toshkent shahar Yashnobod tumani ma’muriy sudi tomonidan mazkur holat ko‘rib chiqildi.
Sud qaroriga ko‘ra, Ma’muriy javobgarlik to‘g‘risidagi kodeksning 128 va 134-moddalarida (transport vositalari haydovchilarining yo‘l harakati qoidalarini buzishi jabrlanuvchiga yengil tan jarohati yoki ancha miqdorda moddiy zarar yetkazilishiga olib kelishi) nazarda tutilgan huquqbuzarliklarni sodir etganligi uchun har ikki haydovchiga nisbatan bir yil muddatga transport vositasini boshqarish huquqidan mahrum etish jazosi tayinlandi.
Izoh (0)