Тошкент шаҳрида 4 декабрь куни 72 ва 148-сонли автобус йўналиши ҳайдовчилари кимўзарга ҳаракатланиши оқибатида икки автобус бир-бирига урилгани, мазкур автобуслар ҳайдовчилари ишдан ҳайдалгани хабар берилганди.
«Тошшаҳартрансхизмат» ахборот хизмати хабарига кўра, 11 декабрь куни Тошкент шаҳар Яшнобод тумани маъмурий суди томонидан мазкур ҳолат кўриб чиқилди.
Суд қарорига кўра, Маъмурий жавобгарлик тўғрисидаги кодекснинг 128 ва 134-моддаларида (транспорт воситалари ҳайдовчиларининг йўл ҳаракати қоидаларини бузиши жабрланувчига енгил тан жароҳати ёки анча миқдорда моддий зарар етказилишига олиб келиши) назарда тутилган ҳуқуқбузарликларни содир этганлиги учун ҳар икки ҳайдовчига нисбатан бир йил муддатга транспорт воситасини бошқариш ҳуқуқидан маҳрум этиш жазоси тайинланди.
Изоҳ (0)