Xorazm viloyatiga 2020-yil hisobidan amalga oshirilgan ikkinchi tashrifdan ko‘zlangan maqsad — “yana nima imkoniyatlar bor, qanday ko‘mak kerak” degan savollarni qo‘yib, muloqot qilishdir. Bu haqda Prezident Shavkat Mirziyoyev 13-dekabr kuni viloyat faollari bilan bo‘lib o‘tgan yig‘ilishda aytib o‘tdi.
Shavkat Mirziyoyev 12-dekabrdan buyon Xorazm viloyatida tashrif bilan bo‘lib turibdi. Qayd etish joiz, davlat rahbari 2020-yil mart oyida ham viloyatda bo‘lib, hududdagi yangi to‘qimachilik korxonasi, “Hazorasp” erkin iqtisodiy zonasi, Yangiariq tumanidagi zamonaviy issiqxona, Ichanqal’ada amalga oshiriladigan turizm loyihalari, Prezident maktabi, Jaloliddin Manguberdi memorial bog‘i bilan tanishgan, faollar yig‘ilishida qatnashgan edi.
Xorazmga bu yil ikkinchi marta kelyapmiz. Maqsad — sizlarning ko‘zlaringizga qarab, viloyatdagi dolzarb masalalarni muhokama qilish, yana nima imkoniyatlar bor, qanday tartib, qanday ko‘mak kerak, nima natija bo‘ladi, degan savollarni qo‘yib muloqot qilish.Avvalroq Xorazmdagi faollar yig‘ilishi davomida Prezident “mahalla raisi — islohotchi” tamoyili asosida ijtimoiy muammolarni hal qilish bo‘yicha yangi tizim joriy etilishini e’lon qilgani haqida xabar berilgan edi.Balandparvoz gaplar bilan iqtisodiyotni yuritib bo‘lmaydi. Muammoni bilsak, qaror to‘g‘ri, adolatli bo‘ladi.
Shavkat Mirziyoyev, O‘zbekiston Prezidenti
Mavzuga doir:
- Shavkat Mirziyoyev Xorazmda ishlab chiqarilayotgan sanoat mahsulotlarini ko‘zdan kechirdi
- Shavkat Mirziyoyev mahsulotlarining 75 foizi eksportga yo‘naltirilgan tekstil korxonasi bilan tanishdi
- O‘zbekistonda endi tumanlardagi iqtisodiy kompleks xodimlari har bir mahallaga biriktirilib, o‘z sohasiga doir masalalarni hal qilib boradi
- Shavkat Mirziyoyev beshinchi avlod texnologiyasiga ega zamonaviy issiqxonani borib ko‘rdi
Izoh (0)